Pedro Etura na web

Pedro Etura é un antigo alumno que ven de abrir unha web que recolle parte da sua traxectoria profesional. Fotógrafo moi completo, profesional da prensa, antes do reportaxe social, agora adica cada vez mais tempo a arquitectura e a moda. É un dos membros do Lensclub.

David Jiménez en Photobolsillo

O fotógrafo David Jiménez ven de publicar un Photobolsillo, a colección de libros de fotografía que fai La Fábrica Editorial. Autor dun libro xa de referencia, Infinito, tamén ten publicados outros traballos: Estos y otros lugares e Sevilla Santa Semana. Estivo na escola de Ourense no seminario de Gracegas do curso pasado. Trátase dun dos fotógrafos xoves actuais cunha mirada mais persoal e intensa.

Aluger de material

A páxina Lensclub está adicada o aluger de material, sobor de todo obxectivos moi específicos, dende gran angulares ata teleobxetivos. Pero ademáis ofrecen algúns outros accesorios como flashes. Teñen material Nikon e Canon, e uns precios razoables. Podedes consultar o catálogo e tamén os fotógrafos que son membros do clube. Sen dúbida é unha boa idea para cando se necesita un material só para un traballo e non é rentable mercalo.

Biblioteca da mirada

La Marca Editora é unha editorial arxentina, distribuida en España, que ten unha moi boa colección de libros sobre fotografía. É a Biblioteca de la Mirada, e dentro dela está, por exemplo a Estética de la fotografía de François Soulages ou La sombra y el tiempo de Jean-Claude Lemagny.
Haberá que estar o tanto das suas novidades, mais logo de saber que Gustavo Gili pensa suspender xa a súa colección de libros de fotografía... din que por falta de lectores.

Lixeiramente desenfocado

Veñen de publicarse en castelán as memorias de Robert Capa. Ligeramente desenfocado é o título do libro, que recolle os escritos de capa perante a II Guerra Mundial. Hai tamén fotos e textos do seu irmán (e fundador do ICP en NYC), Cornell Capa.

PHE está a piques de empezar

O Festival PhotoEspaña 2009 empeza na primeira semana de xuño. Atención a sua programación. Os días 4, 5 e 6 terán lugar os encontros para reflexionar sobre Fotografía e Literatura. Na semana do 15 o 21 de xuño terán lugar parte dos talleres e as clases maxistrais dos fotógrafos invitados este ano os talleres (entrada libre). As exposicións estarán abertas perante todo o mes de xuño (e moitas algo mais aló).

Conciencia en Santiago

Nas vindeiras datas, virán a Santiago tres dos mais prestixiosos científicos a nivel mundial, os tres son Premio Nobel: Jean Marie Lehn, James Watson Cronin e Roger David Kornberg. Entre outros actos do programa CONCIENCIA da Universidade de Santiago, darán cada un sua conferencia, con entrada libre: o 28 de maio, 1 de xuño e 15 de xuño. Para quen se adique a fotografía son importantes todas estas actividades que poden engadir outro punto de vista sobre a realidade.

Ruidophoto

Ruidophoto é un colectivo de fotógrafos cataláns, especializados en fotoxornalismo, que ofrecen periódicamente cursos de distinto nivel. Engado este enderezo o área de formación.

Google-Saatchi: Premio de fotografía para estudantes

Google e a galería (emporio, mello dito) Saatchi, teñen convocado o seu premio de fotografía para estudantes superiores. Pódense presentar traballos ata o 31 de maio. No xurado, entre outros, estará Martin Parr. Eles fan unha primeira selección e a definitiva, cinco traballos, faise por votación na web. Os traballos elixidos exporánse na galería Saatchi en Londres.

13 Certame de Fotoxornalismo en Gijón

Do 1o ao 19 de xullo terá lugar en Gijón o 13 Certamen de Fotoxornalismo. É un encontro xa moi consolidado, que ten unha estreita relación coa Semana Negra. O Premio Internacional de Fotoxornalismo "Ciudad de Gijón" ten lugar tamén nesas datas. Pódense enviar proxectos ata o 10 de xuño. O tema é libre e poderán optar todolos traballos seleccioados para a sua proxección nas "Veladas audiovisuais". No enlace está toda a información sobre o encontro e mais o premio.

40 revistas on-line de foto

Na páxina de smashing magazine, elexiron 4o revistas on-line sobre fotografía. Merece a pena investigar nelas, porque hai fotografías e tamén deseños gráficos moi interesantes.

Informe Horizon

O informe anual Horizon (Proxecto Horizon do New Media Consortium, NMC), presenta seis tecnoloxías e prácticas emerxentes que probabelmente terán un emprego xeneralizado no ensino nun prazo mínimo de un ano e máximo de cinco. É un documento con tendencias sobor como traballeremos no mundo académico nese tempo.
Traballo riguroso e tamén prestixioso, axuda a ter unha idea clara do que vai vir no referente as tecnoloxias para traballar no ensino, investigación e expresión creativa. Este é o sexto informe que se fai (un por ano).

Axudas para facer as FCT

Están convocadas as axudas económicas para o alumnado que realiza formación práctica en centros de traballo. Toda a información está no DOG nº 91.

Libro-guía sobre as entidades fotográficas en España

A Unión Internacional de Fotógrafos (UIFOTO) traballa na actualidade na preparación dun Libro-guía sobre as entidades fotográficas, de todo tipo, que existen en España. A dirección do proxecto é de Juan Carril Márquez, director la UIFOTO e do colectivo Ojo de Pez. Sen dúbida é unha boa idea, alo menos saber quén é quen neste intre. Calqueira entidade relacionada coa fotografía pódese poñer en contacto coa UIFOTO, e darse de alta nesta guía, no enderezo edicion.uifoto@gmail.com

A imaxe en conflicto

SCAN 09 inclue un Diálogo o traverso dun blog sobre A imaxe en conflicto. Participan tres personalidades do mundo da fotografía documental e o fotoxornalismo: o fotógrafo Clemente Bernard, o editor Pepe Baeza e o xornalista Ignacio Ramonet. A conversa tamén está aberta a participacion de todo o mundo.

SCAN 09

Do 7 o 17 de Maio terá lugar en Tarragona o certame de fotografía SCAN 09. Reúne exposicións fotográficas, o diálogo entre autores o traverso da web, un taller e un interesante encontro sobre Teoría da Fotografía (do 14 o 16 de maio). SCAN é, mais ou menos, o herdeiro da Primaveira Fotográfica de Cataluña.

Becas Caixa Galicia para Primeira Obra

A Fundación Caixa Galicia convoca as Becas para a Primeira Obra 2009. Trátase de apoiar a proxectos artísticos de autores "emerxentes" (é un termo ben raro). Ofrecen ata 10.000 € por proxecto e as bases completas están no enderezo da Fundación. O único malo deste ano e que a convocatoria remata hoxe 30 de abril. Pero quería facer a referencia para que, a quen lle interese, o coñeza cara o ano que ven.

Zapatario

Ven de presentarse un dos primeiros libros para nenos no que as ilustracións son fotografías, en lugar dos dibuxos habituais. Trátase do libro Zapatario, no que os textos son de Ramón Aguirre e as fotografías de Mario Ayguavives. No seu enderezo de flickr podedes ver outros traballos deste fotógrafo zaragozano. As ilustracións fotográficas para nenos amosa ser un campo cheo de posibilidades.

Entrefotos 2009

A convocatoria anual de Entrefotos terá lugar en Madrid, do 1 o 4 de Outubro de 2009, no Museo de Arte Contemporáneo. É unha feira adicada a venta de fotografía, e coa presenza dos fotógrafos. A selección de autores terá lugar ata o 29 de Maio. Quén teña interés pode ver toda a convocatoria no enderezo web do certame.

MADRIDFOTO. Feira de fotografía

MADRIDFOTO é unha feira soamente de fotografía que terá lugar en Madrid do 7 o 10 de Maio. Esta é a sua primeira edición e a ela asisten as principais galerias que ofertan fotografía. Tenta ser a versión española de PARISPHOTO e tamen é un anticipo do festival PhotoEspaña, que arranca en xuño.

Revista trimestral en PDF

AulaFoto é unha revista trimestral adicada a fotografía contemporánea. Feita polo grupo fotográfico Aula7 de Málaga. Gratuita, podese recibir no correo electrónico se se quere.

Curso de fotografía dixital on-line

Thewebfoto ofrece todo un curso de fotografía dixital (en castelán). Básico pero ben plantexado técnicamente, con contidos claros e ordeados. Pódese consultar na rede ou descargar en PDF e xa o engadín o área de formación. Está feito polo fotógrafo Jesús Rodríguez Martin. Moi recomendable

Becas Endesa

A compañía Endesa convoca as suas Becas de Artes Plásticas. Ofrece 24.000 € para un traballo que pode durar ata dous anos. É frecuente que en cada convocatoria den algunha a un fotógrafo. Pódense presentar proxectos ata o 30 de Maio.

Taller de Oscar Molina no Courel

O fotógrafo Oscar Molina dará un taller en Galicia entre o 1 e 7 de novembro. O seu título é Detrás de la cámara, hacia un proyecto personal. Terá lugar en Paderne, Folgoso do Courel (Lugo), dentro dos talleres que organiza Fotoxoguete. Oscar Molina, ademais de organizador dos talleres de Cabo de Gata en Almería, é un autor con traballos como Fotografías dun diario ou Photolatente.

Revistas ON LINE

En Youkioske podedes ver infinidade de publicacións na pantalla do ordenador (en miniaturas ou a toda pantalla). No apartado de Fotografía hai bastantes revistas que se poden consultar a diario sen necesidade de mercalas. Unha pequena maravilla, que engado os enderezos de revistas e librarias.

Olladas do silencio. Caruncho retrata o Courel

O fotógrafo José Caruncho, un dos profesionais de referencia en Galicia, o derradeiro analóxico, como titulou un artigo o xornal La Voz de Galicia, expón na Casa da Parra en Santiago os seus retratos do Courel (Lugo). É unha exposición que recolle mais de vinte anos de traballo nesas montañas. Branco e negro feito o xeito tradicional para amosar a dignidade e tamén a forza das xentes que alí viven. Ata o 3 de Maio.

Alejandra Vacuii: luces e sombras na moda

Alejandra Vacuii, alumna de segundo curso do ciclo de Fotografía Artística na Escola de Arte de Ourense, engade unha galería coas imaxes do seu traballo de moda (ainda en plena edición) a sua páxina web e o seu blog.

As atmósferas de Soledad

Neste enlace de flickr poderedes ver esta e outras imaxes que Soledad Aparicio está a facer para o seu traballo final de curso, sobre Fotografía de Moda. Tamén hai series anteriores, polo que recolle boa parte da producción desta fotógrafa que estuda Fotografía Artística na escola.

Talleres de PhotoEspaña con 9 fotógrafos

PHE convoca coma cada ano os seus talleres de fotografía. Teñen lugar do 15 o 19 de xuño e neste ano participan 9 fotógrafos. Deles, recomendaría de xeito especial o de dous verdadeiros maestros: Roger Ballen e Stephen Shore. PHE ven de facelo público, se vos interesa apuntádebos canto antes porque as prazas esgotaránse rápido.

Fotos do mar de Galicia

I Concurso de proxectos de creación fotográfica sobre O Mar de Galicia. Convocado polo Museo do Mar de Vigo mais o Centro de Estudos Fotográficos, CEF (Manuel Sendón e Xosé Luis Suárez Canal) tamén desa cidade, o concurso está aberto os menores de trinta e cinco anos. A data límite para presentalo é o 20 de Abril.